Artist: Rahat Fateh Ali Khan
Song: Hum Dekhain Gaay
Download Mp3!
Take a listen to the song below
Lyrics
[Hum dekhen ge
Laazim hai ke hum bhi dekhenge
Hum dekhen ge] x2
[Woh din ke jis kaa waada hai
Hum Dekhen ge] x2
[Jo lauh-e-azal pe likhaa hai
Hum dekhen ge] x2
Lazim hai ke hum bhi dekhen ge
Hum Dekhen ge
Jab zulm-o-sitam ke koh-e-giraa’n
Roo’ii ki tarah urr jaayenge
Hum mahkoomo’n ke paa’oon taley
Yeh dharti dhar dhar dhaRkegi
Aur ahl-e-hukam ke sar upar
Jab bijli kaR kaR kaRkegi
[Hum dekhen ge
Laazim hai ke hum bhi dekhenge
Hum dekhen ge] x2
Jab arz-e-Khudaa ke ka’abe se
Sab but uthwaaye jaayenge
Hum ahl-e-safaa mardood-e-haram
Masnad pe bithaaye jaayenge
Sab taaj uchhaale jaayenge
Sab taKhth giraaye jaayenge
[Hum dekhen ge
Laazim hai ke hum bhi dekhenge
Hum dekhen ge] x2
Bus naam rahe gaa ALLAH ka
Jo Gaayab bhi hai haazir bhi
Jo manzar bhi hai naazir bhi
Uthegaa “anu-l-haq” kaa naaraa
Jo main bhi hoon aur tum bhi ho
Aur raaj karegi Khalq-e-Khudaa
Jo main bhi hoon aur tum bhi ho
Hum dekhen ge
Laazim hai ke hum bhi dekhenge
Hum dekhen ge…
